ପ୍ରସାଦ ରାଓ
୨୫ ଡ଼ିସେମ୍ବର

ଭୁବନେଶ୍ୱର: ଡ଼ିସେମ୍ବର ୨୩ ତାରିଖ ଦିନ ସ୍ଥାନୀୟ ଉକ୍ରଳ ସାମ୍ବାଦିକ ଭବନରେ ଆୟୋଜିତ ଓୟୁଡ଼ବ୍ଲୁଜେର ଷଷ୍ଠ ପ୍ରତିଷ୍ଠା ଉତ୍ସବରେ ‘ନୂତନ ପିଢି ପାଇଁ ସାମାଜିକ ଗଣମାଧ୍ୟମ ଏକ ଆହ୍ୱାନ’ ଶୀର୍ଷକ ଏକ ଆଲୋଚନା କାର୍ଯ୍ୟକ୍ରମ ଆୟୋଜନ ହୋଇଥିଲା । ଏଥିରେ ଏନଆଇସିର ପ୍ରକ୍ତନ ବୈଷୟିକ ନିର୍ଦେଶକ ଡ. ରବୀନ୍ଦ୍ର ନାରାୟଣ ବେହେରା ନିଜର ବକ୍ତବ୍ୟ ରଖିଥିଲେ ଏବଂ ସଂଘ ଅଧ୍ୟକ୍ଷ କିଶୋର ଦ୍ୱିବେଦୀ, ଉପଦେଷ୍ଟା ଡ.ପବିତ୍ର ମୋହନ ସାମନ୍ତରାୟ ସାମ୍ବାଦିକଙ୍କ ସୁରକ୍ଷା ପାଇଁ ସହଯୋଗ ଲୋଡିଥିଲେ । ଉକ୍ରଳ ସାମ୍ବାଦିକ ସଂଘ ସଭାପତି ବିଭୂତି ଭୂଷଣ କର ସାମ୍ବାଦିକଙ୍କ ସୁରକ୍ଷା ସଂପର୍କରେ ପାରିତ ହେବାକୁ ଥିବା ବିଲ୍ ସଂପର୍କରେ ସୂଚନା ଦେଇ ତାହାକୁ ସ୍ୱାଗତ କରିଥିଲେ । ସଭାପତି ସରୋଜ ରଂଜନ ପଟ୍ଟନାୟକ ଅତିଥିମାନଙ୍କୁ ସ୍ୱାଗତ କରିଥିଲେ । ସାଧାରଣ ସଂପାଦକ ରଜନୀ କାନ୍ତ ସାମନ୍ତରାୟ ବାର୍ଷିକ ବିବରଣୀ ପାଠ କରିଥିଲେ । ସଂଜୟ ଦାସ, ନିମାଇଁ ଚରଣ ଦାସ ଓ ବିଭିନ୍ନ ଜିଲ୍ଳାର ସଭାପତିମାନେ ସଂଘକୁ ମଜଭୂତ କରିବାକୁ ଆହ୍ୱାନ ଦେଇଥିଲେ । ନୃପ କିଶୋର ପଟ୍ଟନାୟକ, କୋଷାଧ୍ୟକ୍ଷ ନିତ୍ୟନିରଂଜନ ପଣ୍ଡା, ଅମୂଲ୍ୟ କୁମାର ମହାନ୍ତି, ଡ.ରଜନୀ କାନ୍ତ ମିଶ୍ର, ଅଧିର ନନ୍ଦ, ଜିତେନ୍ଦ୍ର କୁମାର ପଣ୍ଡା, କାମିନୀ କୁମାର ସ୍ୱାଇଁ, ପର୍ଶୁରାମ ମନ୍ତ୍ରୀ, ବଦ୍ରି ନାରାୟଣ ସୁବୁଦ୍ଧି କାର୍ଯ୍ୟକମ ପରିଚାଳନା କରିଥିଲେ । ମୁଖ୍ୟ ଅତିଥି ଭାବେ ରାଜ୍ୟର ପୂର୍ବତନ ମନ୍ତ୍ରୀ ତଥା ବର୍ତ୍ତମାନର କେନ୍ଦ୍ରାପଡା ବିଧାୟକ ଶଶି ଭୂଷଣ ବେହେରା ଓ ସାଂସଦ ମୁନ୍ନା ଖାନ ଯୋଗ ଦେଇଥିବା ବେଳେ ଡ.ସରୋଜିନୀ ପାଣି କାର୍ଯ୍ୟକ୍ରମର ସଂଯୋଜନା କରିଥିଲେ ।