ପ୍ରସାଦ ରାଓ
ଭୁବନେଶ୍ୱର
ଜୁଲାଇ ୧୯

ବିଶ୍ୱସ୍ତରୀୟ ନେଟୱାର୍କ ମାର୍କେଟିଂ ସଂସ୍ଥା ‘ମୋଦୀ କେୟାର’ର ଆଗାମୀ ‘ଗୋ-ଥାଇଲାଣ୍ଡ’ ଆନ୍ତର୍ଜାତିକ ଭ୍ରମଣ କାର୍ଯ୍ୟକ୍ରମ ପାଇଁ ପ୍ରି-କ୍ୱାଲିଫାଇଙ୍ଗ୍ ମିଟ୍ ସୋମବାର (ଜୁଲାଇ ୧୮ ତାରିଖ) ଦିନ ପୁରୀ-କଟକ ରୋଡ଼ ଲକ୍ଷ୍ମୀସାଗର ଛକରେ ଥିବା ତାରକା ହୋଟେଲ ‘ସାଫିରେ ପ୍ଲାଜା’ରେ ଅନୁଷ୍ଠିତ ହୋଇଛି । ‘ମୋଦୀ କେୟାର’ର ତ୍ରିପଲ୍ ବ୍ଲାକ୍ ଡ଼ାଇମଣ୍ଡ ଡ଼ାଇରେକ୍ଟର ପ୍ରମୋଦ ଆଚାର୍ଯ୍ୟଙ୍କ ନିମନ୍ତ୍ରଣକ୍ରମେ ଶହେରୁ ଅଧିକ ପ୍ରତିନିିଧି ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ । ପୂର୍ବାହ୍ନ ସାଢେ ୧୦ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ କାର୍ଯ୍ୟକ୍ରମ ଚାଲି ଥିଲା । ଆଚାର୍ଯ୍ୟ ପ୍ରସ୍ତାବିତ ‘ଗୋ-ଥାଇଲାଣ୍ଡ’ ଭ୍ରମଣ କାର୍ଯ୍ୟକ୍ରମ ପାଇଁ ଥିବା ମାପଦଣ୍ଡ ସଂପର୍କରେ ବିସ୍ତୃତ ଆଲୋଚନା କରିବା ସହ ‘ପ୍ରି-କ୍ୱାଲିଫାଇଙ୍ଗ୍ ମିଟ୍’ରେ ଭାଗ ନେଇ ଥିବା ସମସ୍ତ ପ୍ରତିନିଧିଙ୍କୁ ଜୁଲାଇରୁ ଡ଼ିସେମ୍ବର ମାସ ମଧ୍ୟରେ ବ୍ୟବସାୟିକ ସଫଳତା ହାସଲ କରି ଥାଇଲାଣ୍ଡ ଯିବା ସକାଶେ ଯୋଗ୍ୟତା ହାସଲ କରିବାକୁ ପରାମର୍ଶ ଓ ତାଲିମ ଦେଇଥିଲେ । ଏହି ଅବସରରେ ‘ଅପ୍ ଲାଇନ’ରେ ଥିବା କର୍ମକର୍ତ୍ତାମାନେ ନିଜ ନିଜ ଗୃପ ସହ ବସି ଆବଶ୍ୟକ ବ୍ୟବସାୟିକ ରଣକୌଶଳ ପ୍ରସ୍ତୁତ କରିଥିଲେ । ତ୍ରିପଲ୍ ବ୍ଲାକ୍ ଡ଼ାଇମଣ୍ଡ ଡ଼ାଇରେକ୍ଟର ପ୍ରମୋଦ ଆଚାର୍ଯ୍ୟ ମୁଖ୍ୟତଃ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ବ୍ୟବସାୟିକ ସଫଳତା ହାସଲ କରି ‘ମୋଦୀ କେୟାର’ରେ ବିଭିନ୍ନ ଗୁରୁତ୍ୱପୂର୍ଣ୍ଣ ପଦ ମର୍ଯ୍ୟାଦାରେ ରହି ଥିବା କୁଂଜ ବିହାରୀ ଦାଶ, ସୁଶାନ୍ତ ପଣ୍ଡା, ରାଜେଶ ପଣ୍ଡା, ଚିତ୍ତ ରଂଜନ ବେହେରା, କ୍ଷମାନିଧି ସାହୁ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ । ଏହି ଅବସରରେ ‘ମୋଦୀ କେୟାର’ ଓଡ଼ିଶା ମୁଖ୍ୟ ତଥା ପରିଚାଳନା ନିର୍ଦେଶକ ଜେ.ପି.ସୁନ୍ଦରାୟ ଆଗାମୀ ଥାଇଲାଣ୍ଡ ଗସ୍ତ କାର୍ଯ୍ୟକ୍ରମ ସଂପର୍କରେ ବିସ୍ତୃତ ସୂଚନା ଦେବା ସହ ବୈଠକରେ ଯୋଗ ଦେଇଥିବା ସମସ୍ତ ପ୍ରତିନିଧି ଏହି ଗସ୍ତ ପାଇଁ ଯୋଗ୍ୟତା ହାସଲ କରିବେ ବୋଲି ଆଶାବ୍ୟକ୍ତ କରିଥିଲେ । ଶେଷରେ ୟୁଟ୍ୟୁବର୍ ଆକାଶ ନାୟକ ଓ ସୁଚେତାଙ୍କ ଧମାକାଦାର ସଂଗୀତ ସହ ନୃତ୍ୟ କାର୍ଯ୍ୟକ୍ରମ ହୋଇଥିଲା । ନୃତ୍ୟ କାର୍ଯ୍ୟକ୍ରମରେ ଦକ୍ଷତା ପ୍ରଦର୍ଶନ କରିଥିବା ପୁରୁଷ ଓ ମହିଳାଙ୍କୁ ଆଚାର୍ଯ୍ୟ ନିଜ ପକ୍ଷରୁ ଆର୍ଥିକ ପୁରସ୍କାର ଦେଇ ସମ୍ମାନିତ କରିଥିଲେ । ଜୁଲାଇ ମାସରେ ବ୍ୟବସାୟିକ ସଫଳତା ହାସଲ କରି ଯେଉଁମାନେ ଥାଇଲାଣ୍ଡ ଯିବାକୁ ପ୍ରଥମ ଯୋଗ୍ୟତା ହାସଲ କରିବେ ସେମାନଙ୍କୁ ଅଗଷ୍ଟ ମାସରେ ଏହିଭଳି ଏକ ଧମାକାଦାର କାର୍ଯ୍ୟକ୍ରମରେ ଅପ୍ୟାୟିତ କରାଯିବ ବୋଲି ମୁଖ୍ୟ ଆୟୋଜକ ଆଚାର୍ଯ୍ୟ ପ୍ରତିଶ୍ରୁତି ଦେଇଛନ୍ତି ।

ମୋଅନୁଭବ.କମ୍